1. सरस्वती भट्ट स्मृति बाल नाटक लेखन पुरस्कार योजना       श्री देवकीनंदन भट्ट ‘मयंक’ से.नि. सीनियर इंस्पेक्टर (टैक्नीकल) सीमा सुरक्षा बल, निवासी-तीन पानी हल्द्वानी द्वारा आपणि इजकि याद में दिई आर्थिक मधतल कुमाउनी भाषा में बालोपयोगी नाटक लेखन कैं बढ़ावा दिनै लिजी ‘ सरस्वती भट्ट स्मृति बाल नाटक लेखन पुरस्कार योजना’  चलाई जनै। यो योजना में क्वे लै उमराक लेखार भाग ल्ही सकनी। बाल नाटक अणछपी एवं मौलिक हुण चैं। रचना में शुरू या आंखिर में कांई लै आपण नाम झन लेखिया। रचना भेजन बखत जो चिट्ठी भेजला, उमें आपण नाम और रचनाक शीर्षक लेखि दिया। बाल नाटक 31 अगस्त 2023 तक पुज जाण चैं। प्राप्त रचनाओं बटी निर्णायक मंडल द्वारा तीन रचनाओं कैं छांटी जा्ल और उनर लेखारों कैं पुरस्कृत करी जा्ल और बाल नाटकों कैं ‘पहरू’ में छापी जा्ल। 2. खीम सिंह ऐठाणी स्मृति कुमाउनी बाल कविता लेखन पुरस्कार योजना      श्री लक्ष्मण सिंह ऐठाणी, से.नि. जिला बेसिक शिक्षा अधिकारी, रैथमी- ग्रा.-भानी (भराड़ी), जि.-बागेश्वर, हाल-मल्ला चैसार, अल्मोड़ा द्वारा आपण बौज्यूकि याद में दिई आर्थिक मधतल कु...