कुमाउनी भाषा में इस वर्ष आयोजित आठ लेखन पुरस्कार योजनाएं
कुमाउनी भाषा में ‘कुमाउनी भाषा, साहित्य एवं संस्कृति प्रचार समिति’ कसारदेवी, अल्मोड़ा (उत्तराखंड) व ‘पहरू’ कुमाउनी मासिक पत्रिका द्वारा कुमाउनी भाषाक बिकास और साहित्य कैं बढ़ावा दिणै लिजी और कुमाउनी भाषा में साहित्याक तमाम बिधाओं में लेखन योजना चलाई जानी। यो साल 2022 में लै कुमाउनी में गद्य और पद्य बिधान में लेखन योजना चलाई जानई। इन पुरस्कार योजनाओंक रचनाकारों कैं ‘पहरू’ व समिति द्वारा हर साल उरायाई जाणी ‘राष्ट्रीय कुमाउनी भाषा सम्मेलन’ में पुरस्कार दिई जां। अलीबेर यों लेखन योजना चलाई जानई-
1. गोविन्द सिंह बिष्ट स्मृति बाल कविता लेखन पुरस्कार योजना
श्रीमती नीलम नेगी, से.नि. प्रधानाचार्य, मु. चौधरीखोला, अल्मोड़ा द्वारा दिई मधतल कुमाउनी भाषा में ‘बाल कविता’ लेखन कें बढ़ावा दिनै लिजी ‘गोविन्द सिंह बिष्ट (पूर्व विधायक) स्मृति बाल कविता लेखन पुरस्कार योजना’ चलाई जनै। यो लेखन योजना में क्वे लै उमराक लेखार भाग ल्ही सकनी। हरेक प्रतिभागी कैं पांच बाल कविता भेजन छन। बाल कविता मौलिक एवं अणछपी हुण चैनी।
2. जमुना देवी खनी स्मृति कुमाउनी हास्य ब्यंग लेखन पुरस्कार योजना
श्री खुशालसिंह खनी, से.नि. शिक्षक, ग्राम नैनी, जागेश्वर, जिला अल्मोड़ा द्वारा दिई आर्थिक मधतल कुमाउनी भाषा में हास्य ब्यंग लेखन क प्रोत्साहित करनै लिजी ‘जमुना देवी खनी स्मृति कुमाउनी हास्य ब्यंग लेखन पुरस्कार योजना’ आयोजित करी जनै। यो योजना में सब लोग भाग ल्ही सकनी। हास्य ब्यंग रचना मौलिक एवं अणछपी हुण चैं।
3. शंकर लाल साह स्मृति कुमाउनी निबंध लेखन पुरस्कार योजना
श्रीमती चन्द्र प्रभा साह, अल्मोड़ा द्वारा आपुण घरवावै याद में दिई आर्थिक मधतल कुमाउनी भाषा में निबंध लेखन कें बढ़ावा दिनै लिजी ‘शंकर लाल साह स्मृति कुमाउनी निबंध लेखन पुरस्कार योजना’ उरयाई जनै। बैज्ञानिक, साहित्यिक, सांस्कृतिक, राज्य, देश व बिश्व स्तरीय ज्वलंत समस्याओं आदि बिषयों बै क्वे एक बिषय पर निबंध लेखन छ। यो लेखन योजना में क्वे लै उमराक लेखार भाग ल्ही सकनी। हरेक प्रतिभागी कैं एक निबंध भेजन छ। निबंध मौलिक एवं अणछपी हुण चैं।
4. कुसुम ऐठाणी स्मृति कुमाउनी निबंध लेखन पुरस्कार योजना
श्री लक्ष्मण सिंह ऐठाणी, से.नि. जिला बेसिक शिक्षा अधिकारी, रैथमी- ग्रा.-भानी (भराड़ी), जि.-बागेश्वर, हाल-मल्ला चौसार, अल्मोड़ा द्वारा आपणि इजकि याद में दिई आर्थिक मधतल कुमाउनी भाषा में निबंध लेखन कें बढ़ावा दिणै लिजी ‘कुसुम ऐठाणी स्मृति कुमाउनी निबंध लेखन पुरस्कार योजना’ चलाई जनै। निबंध समाज में ब्याप्त अंधबिश्वास, कुरीति व बुराई जसिक-बलि प्रथा, जुव, शराब, बाल विवाह, झाड़-फूक, दैज आदि सामाजिक जागरूकता बिषयों बै क्वे लै एक बिषय पर एक निबंध लेखण छ। यो योजना में क्वे लै उमराक लेखार भाग ल्ही सकनी। निबंध मौलिक और अणछपी हुण चैं।
5. भारतेन्दु निर्मल जोशी स्मृति कुमाउनी समालोचना लेखन पुरस्कार योजना
श्री जगदीश जोशी, से.नि. शिक्षक, भगवानपुर जयसिंह, हल्द्वानी द्वारा दिई मधतल कुमाउनी भाषा में ‘समालोचना’ बिधा में लेखन कें बढ़ावा दिनै लिजी ‘भारतेन्दु निर्मल जोशी स्मृति कुमाउनी समालोचना लेखन पुरस्कार योजना’ उरयाई जनै। यो योजना में क्वे लै भाग ल्ही सकनी, उमरक के प्रतिबंध न्हां। समालोचनात्मक लेख मौलिक एवं अणछपी हुण चैं।
6. अरूण कुमार भट्ट स्मृति रिपोर्ताज लेखन पुरस्कार योजना
‘कलावती साहित्य पुरस्कार ट्रस्ट’ अल्मोड़ा द्वारा दिई मधतल कुमाउनी भाषा में ‘रिपोर्ताज’ बिधा में लेखन कें बढ़ावा दिनै लिजी ‘अरूण कुमार भट्ट स्मृति रिपोर्ताज लेखन पुरस्कार योजना’ चलाई जनै। यो लेखन योजना में क्वे लै उमराक लेखार भाग ल्ही सकनी। रिपोर्ताज रचना अणछपी व मौलिक हुण चैं।
7. लोकमणी भट्ट स्मृति शब्दचित्र लेखन पुरस्कार योजना
श्री देवकीनंदन भट्ट ‘मयंक’ से.नि. सीनियर इंस्पेक्टर (टैक्नीकल) सीमा सुरक्षा बल, निवासी-तीन पानी हल्द्वानी द्वारा आपण बौज्यूक याद में दिई आर्थिक मधतल कुमाउनी भाषा में शब्दचित्र लेखन कैं बढ़ावा दिनै लिजी ‘लोकमणी भट्ट स्मृति शब्दचित्र लेखन पुरस्कार योजना’ चलाई जनै। यो योजना में क्वे लै उमराक लेखार भाग ल्ही सकनी। शब्दचित्र मौलिक एवं अणछपी हुण चैं।
8. बचुली देवी रावत स्मृति कुमाउनी बाल कहानी लेखन पुरस्कार योजना
‘इन्द्रसिंह-आनसिंह स्मृति सार्वजनिक न्यास' झालडुँगरा अल्मोड़ा द्वारा दिई आर्थिक मधतल कुमाउनी भाषा में बाल कहानी लेखन कें बढ़ावा दिनै लिजी ‘बचुली देवी रावत स्मृति कुमाउनी बाल कहानी लेखन पुरस्कार योजना’ उरयाई जनै। यो योजना में क्वे लै उमराक लेखार भाग ल्ही सकनी। बाल कहानि मौलिक एवं अणछपी हुण चैं।
क्वे लै लेखन योजना में रचना भेजणकि आंखिरी तारीख 31 अगस्त 2022 छु। रचना डाक द्वारा या ‘पहरू’ ईमेल-pahru.uttarakhand@gmail.com में भेजि सकछा।
आपूं आपणि क्वे लै रचना डाक द्वारा य पत्त पर भेजिया-
संपादक
‘पहरू’ कुमाउनी मासिक पत्रिका
सुनारीनौला, अल्मोड़ा, उत्तराखंड
पिन- 263601
जाधे जानकारी लिजी आपूं ‘पहरू’ वट्सऐप व मोबाइल नंबर 9412924897 में संपर्क करि सकछा। यों नंबरन बै लै मधत ल्ही सकछा- 7055574602, 9084488511
टिप्पणियाँ
एक टिप्पणी भेजें